Япония бош вазири кучли зилзила хавфи туфайли Ўзбекистонга ташрифини бекор қилди
Япония бош вазири Фумио Кисида 9-12 август кунлари Қозоғистон, Ўзбекистон ва Мўғулистонга режалаштирилган тўрт кунлик сафарини бекор қилди, деб хабар берди Kyodo агентлиги.
Кеча Япониянинг жануби-ғарбий қисмида содир бўлган 7,1 магнитудали зилзиладан кейин мамлакат метеорология агентлиги Тинч океанининг жануби-ғарбдан Япониянинг марказий қисмигача чўзилган кенг ҳудудида кучли зилзила содир бўлиши мумкинлиги ҳақида огоҳлантиришни берди.
Шу сабаб Фумио Кисида сафарининг бекор қилинишини эълон қилди.
Пайшанба кунги зилзила Миязаки ва қўшни икки префектурадаги биноларга катта зарар етказган. Ўлим ҳолатлари қайд этилмаган.
Тошкентда Япония бош вазирининг ташрифи арафасида кўчаларда Ўзбекистон ва Япония байроқлари осилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter