Килиан Мбаппе ЖЧ-2022дан қайтганидан сўнг ПСЖ билан машғулотларни бошлаб юборган.

24 декабрь кунги машғулотда бирданига иккита Мбаппе бор эди: унинг укаси Этан Килиан билан бирга шуғулланди. Бу уларнинг «ПСЖ»да биргаликдаги илк машғулоти.

Кичик Мбаппе ҳақида нималар маълум?

Этан ПСЖдаги дебют ўйинидаёқ гол урган.

29 декабрь куни Этан Мбаппе 16 ёшга тўлади: у 2017 йилда ПСЖга, Килиан билан бирга 12 ёшгача бўлганлар жамоасига қўшилганди. ПСЖга қадар Этан акаси билан туғилиб ўсган Париж чеккасидаги Бонди академиясида ўйнаган. У янги клубидаги илк голини дебют учрашувидаёқ урганди.

Этан — чапақай марказий ярим ҳимоячи, у ҳужумда ҳам ўйнай олади. 14 ёшидан у юқори савияни намойиш этмоқда. Шу сабаб у 17 ёшгача бўлган жамоага ўтказилган. 2021 йилда эса ПСЖ у билан 2024 йилгача мўлжалланган 3 йиллик шартномани имзолади. Кичик Мбаппе тез ўсмоқда: ўтган йили у Франциянинг 16 ёшгача бўлган терма жамоасига ҳам чақирув олди.

«ПСЖ» мураббийлари Этаннинг кўп қирралилиги ва ўйинни яхши ўқий олишини эътироф этишади.