Шавкат Мирзиёев ва Режеп Таййип Эрдоған бир-бирини муборак Қурбон ҳайити билан қутлади
Бугун, 28 июнь куни Ўзбекистон Республикаси Президенти Шавкат Мирзиёев ва Туркия Республикаси Президенти Режеп Таййип Эрдоғаннинг телефон орқали мулоқоти бўлиб ўтди.
Давлат раҳбарлари бир-бирини ва қардош халқларимизни муборак Қурбон ҳайити билан дилдан қутлаб, тинчлик-осойишталик, фаровонлик ва равнақ тилакларини изҳор этдилар.
Мулоқот чоғида кўп қиррали ҳамкорликни янада кенгайтириш ва кенг қамровли стратегик шериклик муносабатларини мустаҳкамлашнинг долзарб масалалари кўриб чиқилган.
Олий даражадаги келишувларга мувофиқ сиёсий, савдо-иқтисодий, инвестициявий ва маданий-гуманитар соҳалардаги амалий ҳамкорлик юқори суръат ва самарали тус олгани қайд этилди.
Қайд этилишича, суҳбат чоғида икки давлат раҳбари халқаро ва минтақавий кун тартибидаги долзарб масалалар юзасидан ҳам фикр алмашишган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter