Жеки Чан Олимпия машъалини Буюк Хитой девори бўйлаб олиб ўтди
Жеки Чан Пекин олимпиадаси машъаласи эстафетасида қатнашди. Голливуднинг 68 ёшли афсонаси Олимп оловини кўтариб ўтган 30-машъалачи бўлди.
У Буюк Хитой деворининг энг гавжум қисми — «Бадалин»да машъалани кўтариб ўтди.
«Иккита Олимпия ўйинида машъала кўтарувчи бўлганимдан жуда ғурурланаман ва бахтлиман. Умуман олганда, бу менинг тўртинчи Олимпиадам. Шодлигимнинг чеки йўқ», — ўз ҳиссиётларини Жеки Чан шундай ифодалади.
Эслатиб ўтамиз, Олимпия машъаласига кеча, 2 февраль куни Пекинда старт берилди. Машъала 12 асосий нуқта бўйлаб ўтади. Эртага, 4 февраль куни олов Пекин Олимпия боғига — XXIV Қишки олимпия ўйинлари тантанали очилиш маросимига етиб боради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter