Украинага Ғарб қуролларини секин етказиб бериш унинг «энг асосий душмани», дея маълум қилди мамлакат президенти Владимир Зеленский. 

Давлат раҳбари 31 май куни Швеция пойтахти Стокголмда матбуот анжумани ўтказди. Тадбир давомида у АҚШ ва бошқа Ғарб давлатларига Украинага ҳарбий ёрдам кўрсатгани учун миннатдорчилик билдирди.

Шу билан бирга, Зеленский яқинда Америка Конгресси унинг мамлакатига яна бир ёрдам пакетини маъқуллаганини таъкидлади. Бироқ, президентнинг сўзларига кўра, можаро зонасига техника етказиб беришни мувофиқлаштириш жараёни парламентда бир овоз бериш билан чекланмайди.

«Овоз беришдан кейин ҳали ҳам тасдиқлаш босқичлари бўлиши керак, кейин эса этказиб бериш, агар янги жиҳозлар бўлса, бу машғулот ва ҳоказо. Яъни, пакет қабул қилинган пайтдан бошлаб фойдаланиш пайтигача олти ой ёки ундан кўпроқ вақт ўтиши мумкин», - дея тушунтирди у.

Давлат раҳбари таъкидлаганидек, ҳозирда секин қурол етказиб бериш Украинанинг «энг муҳим душмани» ҳисобланади. Зеленскийнинг қўшимча қилишича, мамлакат ҳарбийларини Ғарб техникасидан фойдаланишга ўргатиш бир неча ой давом этади. Шу билан бирга, машғулотларни тугатгандан сўнг, Киев ҳали ҳам жанг майдонида қурол пайдо бўлиши учун бир хил вақт кутиши керак, дея хулоса қилди Украина раҳбари.