Зеленский Путин ва Трамп билан учрашув ўтказишга тайёрлигини билдирди
Украина президенти Владимир Зеленский Россия раҳбари Владимир Путин ва АҚШ президенти Дональд Трамп билан уч томонлама учрашув ўтказиш таклифини илгари сурди.
Зеленский, шунингдек, «Трамп–Путин» ёки «Трамп–Зеленский» форматларидаги икки томонлама учрашувларга ҳам тайёр эканини билдирган. Унинг таъкидлашича, учрашувлар бир вақтда ва ягона жойда бўлиб ўтса мақсадга мувофиқ бўлади.
Украина раҳбари Ватикан, Швейцария ёки бошқа давлатлар таклиф қилган жойларда техник даражадаги музокараларга ҳам очиқлигини қайд этган. У, зарурат бўлса, олдиндан тайёргарликсиз ҳам етакчилар ўртасида тўғридан-тўғри учрашув ўтказиш мумкинлигини билдирди.
Эслатиб ўтамиз, 2025 йил 16 май куни Туркиянинг Истанбул шаҳрида Россия ва Украина делегациялари ўртасида тўғридан-тўғри музокаралар бўлиб ўтган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter