Саҳрои Кабирдан шамол орқали эсган қум Атлантика океанидаги ҳаётни қўллаб-қувватлаш учун минераллар манбаи ҳисобланади. АҚШ олимлари шундай хулосага келишди.

Тадқиқотчилар Саҳрои Кабир қум доналари ва тупроқ зарраларидаги темир узоқроқ масофаларга ташилганлиги сабабли биореактивроқ бўлишини аниқладилар. Бу атмосферадаги кимёвий жараёнлар билан изоҳланади, қачонки темир фитопланктон томонидан яхши эрийди ва фойдаланиш мумкин бўлади.

Тадқиқот учун Саҳара-Саҳел яқинида 120 минг йил давомида тўпланган чўкиндиларнинг намуналари олинди.

Олимлар денгиз тубидаги биореактив шакллардан ҳосил бўладиган минераллардаги темир нисбатларини аниқладилар. Африкадан масофа ошгани сайин темир биореактив бўлади ва бу темирнинг катта қисми океаннинг юқори қисмидаги организмлар томонидан ишлатилади. Шундай қилиб, Африкага яқинроқ бўлган ядроларда узоқдагиларга қараганда камроқ биореактив темир мавжуд эди, яъни у тубига тушишдан олдин фитопланктон томонидан фаол равишда сўрилади, деб ёзади Frontiers in Marine Science.