Руминияда суюлтирилган газ қуйиш шохобчаси портлади
Руминиянинг Цреведиа қишлоғида (Дымбовица округи) ёқилғи қуйиш шохобчасида кетма-кет уч марта портлаш содир бўлди.
Дастлабки маълумотларга кўра, портлаш оқибатида бир киши ҳалок бўлган, 50 дан ортиқ киши жароҳатланган. Ёнғин турар-жой биноларига ҳам ўтган.
Аввалига катта ёқилғи қуйиш шохобчасида портлаш содир бўлган. Ёнғинни бартараф этиш учун 3 та ўт ўчириш бригадаси етиб келган.
Шохобча яқинидаги ёқилғи ва газ баклари бўлган юк машиналари ҳам портлай бошлаган. Бундан ташқари, Драгомирести шаҳридаги қурол заводи ва қурол омборлари яқинида ёнғин давом этмоқда, у ерда Руминиянинг турли бурчакларидан ўт ўчириш бригадалари етиб келган.
Қайд этилишича, воқеа жойидан 700 м радиусда яшовчи 3 минг маҳаллий аҳоли эвакуация қилинган.
Воқеа содир бўлган ҳудудда транспорт ҳаракати тўхтатилган, ўнлаб ўт ўчириш машиналари ва тез ёрдам машиналари ишламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter