Ruminiyada suyultirilgan gaz quyish shoxobchasi portladi
Ruminiyaning Srevedia qishlog‘ida (Dimbovitsa okrugi) yoqilg‘i quyish shoxobchasida ketma-ket uch marta portlash sodir bo‘ldi.
Dastlabki ma’lumotlarga ko‘ra, portlash oqibatida bir kishi halok bo‘lgan, 50 dan ortiq kishi jarohatlangan. Yong‘in turar-joy binolariga ham o‘tgan.
Avvaliga katta yoqilg‘i quyish shoxobchasida portlash sodir bo‘lgan. Yong‘inni bartaraf etish uchun 3 ta o‘t o‘chirish brigadasi yetib kelgan.
Shoxobcha yaqinidagi yoqilg‘i va gaz baklari bo‘lgan yuk mashinalari ham portlay boshlagan. Bundan tashqari, Dragomiresti shahridagi qurol zavodi va qurol omborlari yaqinida yong‘in davom etmoqda, u yerda Ruminiyaning turli burchaklaridan o‘t o‘chirish brigadalari yetib kelgan.
Qayd etilishicha, voqea joyidan 700 m radiusda yashovchi 3 ming mahalliy aholi evakuatsiya qilingan.
Voqea sodir bo‘lgan hududda transport harakati to‘xtatilgan, o‘nlab o‘t o‘chirish mashinalari va tez yordam mashinalari ishlamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter