Пандемия инсониятни чорак аср ортга улоқтириб ташлади — Гутерриш
БМТ Бош котиби Антониу Гутерришнинг фикрича, COVID-19 пандемияси айрим масалаларда инсониятни 25 йил ортга улоқтириб ташлади. Бош котиб «Sky News» телеканалига берган интервьюсида қашшоқлик, очликка қарши курашиш каби фаолият йўналишлари тақдири савол остида қолаётганини таъкидлади.
Хавфли касалликка қарши курашга йўналтирилган ресурслардан БМТнинг барқарор ривожланиш мақсадларида фойдаланган маъқул, деб ҳисоблайди Антониу Гутерриш. Шундагина келгусида кўпроқ инклюзивлик (барчага таълим олиш учун тенг имконият яратилиши), тенглик, адолат ва экологик тозаликка эришиш мумкин.
Молиявий қийинчиликларга дуч келган қашшоқ мамлакатларга уларнинг ташқи қарзларидан воз кечиш ёки енгиллатиш ёрдам бериши мумкин.
БМТнинг 2030 йилгача барқарор ривожланиш дастури қашшоқликка барҳам бериш, сайёрамиз ресурсларини сақлаб қолиш ва барча учун фаровонликни таъминлаш каби мақсадларни кўзда тутади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter