Нурмагомедов билан Гэтжининг нигоҳлари тўқнашди (видео)
Аралаш услубдаги жангчилар (MMA) россиялик Ҳабиб Нурмагомедов билан америкалик Жастин Гэтжининг нигоҳлари тўқнашди. Видео-ролик «MMAFightingonSBN» YouTube-каналига жойланган.
Спортчилар 24 октябрь куни Абу-Дабида бўлиб ўтадиган UFC мусобақасининг асосий жангида куч синашади. Нурмагомедов ва Гэтжи қўл бериб кўришиб, ўзларини дўстона тутишди. Фақат америкалик жангчи ташкилотнинг вақтинча чемпионлик камари билан расмга тушишдан бош тортди. У Нурмагомедовнинг камарига ишора қилиб: «Менга шу керак», деди.
Нурмагомедов — UFCнинг енгил вазнда амалдаги чемпиони. Гэтжи юртдоши Тони Фергюсон устидан ғалаба қозонгач, титут жангини ўтказиш имкониятига эга бўлди.
Эслатиб ўтамиз, Ҳабиб Нурмагомедов шу пайтгача жами 28 та жанг ўтказиб, 28 марта ғалаба қозонган ва бирор марта ҳам мағлуб бўлмаган. Жастин Гэтжи ҳисобида эса 22 та ғалаба ва иккита мағлубият бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter