Нега ёзда бош оғриқлари кўпаяди, қандай қутулиш мумкин?
Нега ёзда бош оғриқлари кўпаяди, ундан қандай қутулиш мумкин? Шифокор-невролог Павел Хорошев шу ҳақда сўз юритди.
Кунлар исиши билан инсон танасидан тер ажралиши кучаяди, оқибатда организмда сув етишмай қолиши мумкин. Ёзда кузатиладиган бош оғриқларининг энг асосий сабабларидан бири — суюқлик танқислиги.
Организмга сув етишмаслиги, ўз навбатида, миянинг қон билан таъминланишига таъсир қилади. Қон реологияси, яъни оқувчанлиги сусайиб, барча аъзолар, жумладан, энг кўп энергия сарфловчи орган — бош миянинг қон билан таъминланиши ёмонлашади. Бош оғриши шундан.
Ёз фаслида суткасига 2-2,5 литргача сув ичиш керак. Шунда мавсумий бош оғриғи ўтмишга айланади, деди шифокор. Қишки суткалик сув меъёри эса 1,5-2 литр.
Бироқ бу тавсиялар соғлом одамлар учун, огоҳлантирди у. Агарда одам юрак ёки буйрак хасталикларига чалинган бўлса, кўп миқдордаги сув унга акс таъсир қилиши ҳам мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter