Катта жаримадан қочиб юрган қора Маlibu ушланди
Фарғоналик фуқаро Д.А. жорий йил бошидан бери 9 маротаба йўл ҳаракати қоидаларини бузган, аксар қоидабузарлиги тезликни ошириш билан боғлиқ. Мазкур қоидабузарликлар бўйича унга нисбатан ЙҲХБ қарорларига асосан умумий 19 млн. 970 минг сўм маъмурий жарима жазолари тайинланган.
Бироқ ҳуқуқбузар ўтган даврда бирорта жарима суммани тўлаш чорасини кўрмаган ва “Маlibu” автомашинасини бемалол бошқариб юраверган. Мажбурий ижро бюроси ахборот хизматининг маълум қилишича, бир неча бор огоҳлантиришлар ҳам натижасиз якунланган.
Натижада 7 сентябр куни йўл патрул хизмати ходимлари билан ўзаро ҳамкорликда ўтказилган тадбир давомида қоидабузар “Маlibu” қаерда экани аниқланиб, хатланган ва вақтинча жарима майдончасига олиб кирилган.
“Маlibu” жарима майдончасига олиб кирилгандан сўнг қарздор Д.А. 9 та ижро ҳужжати бўйича жами 19 млн. 970 минг сўм жарималарни тўлаш учун банк реквизитларини тақдим этиш бўйича мурожаат қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter