Германиялик аёл 66 ёшида 10-фарзандини дунёга келтирди, деб ёзди Telegraaf.

Александра Ҳилдебрандт — Берлин девори музейининг директори. Унинг ўнинчи боласи — Филипп ўтган ҳафта дунёга келди. Чақалоқнинг вазни 3550 грамм, бўйи 50 сантиметр. Аёлнинг болалари саккиз марта кесарча кесиш йўли билан дунёга келган, шифокорлар буни камёб ҳодиса дейишмоқда.

Александра биринчи марта 21 ёшида она бўлган. Саккиз фарзанди 53 ёшидан сўнг туғилган. Ҳозир у 12 ёшли эгизаклар Элизабет ва Максимилиан, 10 ёшли Александра, 8 ёшли Леополд, 7 ёшли Анна, 4 ёшли Мария ва 2 ёшли Катаринани тарбияламоқда. Аёлнинг катта фарзандлари — 45 ёшли Светлана — шифокор, 36 ёшли Артём — медиация (воситачилик) билан шуғулланади.

Александра Ҳилдебрандт катта оила бир жам бўлиб йиғилишини ҳар гал интиқлик билан кутишини айтди. Уйлари шунча болага торлик қилиб қолгани учун, эр-хотин янги ва катта уй сотиб олишди. Шифокорларнинг айтишича, ёшига қарамасдан, Ҳилдебрандтнинг жисмоний ҳолати аъло даражада.