Германия икки кунда 286 нафар ноқонуний муҳожирни депортация қилди
Германия ҳукумати 7 майдан бошлаб мамлакат чегараларида назоратни кучайтирди. Бу чоранинг дастлабки натижаларига кўра, икки кун мобайнида 365 нафар ноқонуний муҳожир қўлга олинди. Улардан 286 нафари депортация қилинди.
Муҳожирларнинг қўлга олинишига қуйидаги ҳолатлар сабаб бўлган:
• визасиз кириш
• сохта ҳужжатлар тақдим этиш
• чегарани ноқонуний равишда кесиб ўтиш
Маълумотларга кўра, ушланганларнинг фақатгина 23 нафари қочқин мақомини сўраган. Шунга қарамай, улардан 19 нафари депортация қилинган.
Бундан ташқари, яна 14 киши ноқонуний миграцияни ташкил этишда, 9 киши эса экстремизм ёки радикал ислом билан боғлиқликда гумон қилинмоқда.
Қайд этиш керакки, авваллари кунига ўртача 120 нафар муҳожир қайтарилар эди. Энди бу кўрсаткич 190 нафарга етди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter