Европа Миллатлар лигаси биринчи финалчиси аниқланди
Европа Миллатлар лигаси ярим финалида Португалия Германияни мағлубиятга учратди.
Мюнхенда ўтган ўйин 1:2 ҳисобида якунланди.
Ҳисобни 48-дақиқада Германия терма жамоаси футболчиси Флориан Вирц очди. Орадан 15 дақиқа ўтиб Шику Консейсау мувозанатни тиклади, беш дақиқадан кейин эса Криштиану Роналду Португалияга ғалаба келтирган голни киритди.
Португалия финалда Испания–Франция жуфтлиги ғолиби билан ўйнайди (иккинчи ярим финал бугун, 5 июн куни бўлиб ўтади).
УЕФА Миллатлар лигаси финали 8 июн кунига белгиланган. Шу куни Германия учинчи ўрин учун ўйин ўтказади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter