АҚШ собиқ президенти кичик Жорж Бушнинг онаси вафот этди
Аввалроқ сайтимизда АҚШнинг 41-президенти Жорж Бушнинг турмуш ўртоғи Барбара Бушнинг аҳволи оғир экани ҳақида хабар берган эдик.
Бугун Барбара Буш 93 ёшида вафот этди. Буш оиласининг спикери Жим Макграт Барбара Бушнинг вафоти ҳақида расмий маълумот берган.
Американинг 43-президенти кичик Буш ҳам онасининг вафотини ёзма тарзда эълон қилган.
АҚШнинг амалдаги Президенти Дональд Трамп Буш оиласига таъзия билдириб: «Ҳам мамлакатда, ҳам оиласида фидокор аёл бўлган Барбара Буш хотирамизда мангу яшайди», деб айтган.
1925 йили Нью-Йоркда туғилган ва катта Бушнинг турмуш ўртоғи Барбара Бушнинг 5 фарзанд, 7 набираси бор. У АҚШ тарихида ҳам турмуш ўртоғи, ҳам ўғли президент бўлган иккинчи аёлдир. Ундан аввал Абигейл Адамснинг турмуш ўртоғи Жон Адамс АҚШнинг 2-президенти, унинг ўғли Куинс Адамс эса 6-президент бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter