AQSh sobiq prezidenti kichik Jorj Bushning onasi vafot etdi
Avvalroq saytimizda AQShning 41-prezidenti Jorj Bushning turmush o‘rtog‘i Barbara Bushning ahvoli og‘ir ekani haqida xabar bergan edik.
Bugun Barbara Bush 93 yoshida vafot etdi. Bush oilasining spikeri Jim Makgrat Barbara Bushning vafoti haqida rasmiy ma’lumot bergan.
Amerikaning 43-prezidenti kichik Bush ham onasining vafotini yozma tarzda e’lon qilgan.
AQShning amaldagi Prezidenti Donald Tramp Bush oilasiga ta’ziya bildirib: «Ham mamlakatda, ham oilasida fidokor ayol bo‘lgan Barbara Bush xotiramizda mangu yashaydi», deb aytgan.
1925-yili Nyu-Yorkda tug‘ilgan va katta Bushning turmush o‘rtog‘i Barbara Bushning 5 farzand, 7 nabirasi bor. U AQSh tarixida ham turmush o‘rtog‘i, ham o‘g‘li prezident bo‘lgan ikkinchi ayoldir. Undan avval Abigeyl Adamsning turmush o‘rtog‘i Jon Adams AQShning 2-prezidenti, uning o‘g‘li Kuins Adams esa 6-prezident bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter