Ўзбекистон транспорт вазири Илҳом Маҳкамов Кобулга борди
Ўзбекистон транспорт вазири Кобулга борди. Илҳом Махкамовни Афғонистон бўйича махсус вакил Исматулла Иргашев ҳамроҳлигида Толибоннинг амалдаги ташқи ишлар вазири Амирхон Муттақий қабул қилди.
Қайд этилишича, Илҳом Маҳкамов Трансафғон темир йўли лойиҳасининг техник-иқтисодий асосларини тайёрлаётган муҳандислар гуруҳига раҳбарлик қилади.
Шунингдек, бир неча ҳафта ичида Ўзбекистондан темирйўл ётқизиш бўйича амалий ишларни бошлаш учун жиҳозлар билан навбатдаги делегация ҳам келиши таъкидланди. Бундан ташқари, икки томон делегациялари афғон углеводородларини қазиб олиш, Ўзбекистон томонига 1 млн тонна кўмир сотиш ҳамда Мозори Шарифдаги Имом ал-Бухорий мадрасасини қуриш ишларини муҳокама қиладилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter