Ўзбекистон Республикаси Уй-жой ва комунал хизмат кўрсатиш вазирлиги томонидан ва Молия вазирлиги ҳузуридаги Давлат-хусусий шерикликни ривожлантириш агентлиги кўмагида Хоразм вилояти Янгиариқ ва Янгибозор туманларида Давлат хусусий-шериклик асосида ичимлик сув таъминотини ривожлантириш бўйича 2та давлат-хусусий шериклик битимлари имзоланди.

Сув таъминоти объектларидан фойдаланишда давлат-хусусий шерикликни амалга ошириш лойиҳаси доирасида маҳаллий инвесторлар томонидан Хоразм вилоятининг Янгибозор туманида 5 млрд. сўм ва Янгиариқ туманида 9 млдр. 430 млн. сўм маблағлар жалб қилинади. Мазкур давлат-хусусий шериклик лойиҳаси доирасида 10 йил давомида туманлар ҳудудидаги барча истеъмолчилар, ичимлик сув тармоқлари қайта хатловдан ўтказилади. Шу билан бирга, ичимлик сув қувурига уланмаган аҳоли пунктлари ва хонадонларни ичимлик сув қувурига улаш, туман ҳудудига ва фуқаролар йиғин ҳудудларига кирувчи ичимлик сув қувурларига сув ҳисоблагичларни ўрнатиш ишлари олиб борилади.

35 км ортиқ янги ичимлик сув қувурлари ва канализация тармоқларини қуриш ва реконструкция қилиш ишлари амалга оширилиши натижасида 7 573 дан зиёд хонадонларда яшовчи 37 868 нафар аҳоли халқаро стандартлар талабларига жавоб берадиган ичимлик суви билан таъминланади. Давлат-хусусий шериклик лойиҳаси доирасида туманлар аҳолисининг сифатли ичимлик суви билан таъминланганлик даражаси 44% дан 80% га етказилиши режалаштирилган.