Ҳиндистонда коронавирус беморларига жой етмай қолди
Ҳиндистонда коронавирусни юқтирганлар сони икки миллион кишидан ошди. Бу ҳақда Жонс Хопкинс университети маълум қилган.
2,02 миллион кишида COVID-19 тасдиқланган. 41 585 киши ҳаётдан кўз юмди. Бутун мамлакат бўйлаб шифохонада жойлар, тиббий жиҳозлар ва ҳимоя воситалари етишмаслигидан шикоят қилишмоқда.
Ҳиндистон — бир неча миллион коронавирус ҳолати қайд этилган жаҳондаги учинчи давлат. АҚШда касалланганлар сони 4,8 миллион, Бразилияда эса 2,9 миллион кишидан ошган.
6 август куни Ҳиндистонда COVID-19 пневмонияси чақирган асоратлар туфайли ўлим сони бўйича рекорд қайд этилгани тўғрисида хабар бергандик. Кунлик ўлим сони биринчи марта 900 тадан ошганда — 918 нафар бемор вафот этганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter