Dushanbeda YTH oqibatida 22 yoshli o‘zbekistonlik yigit halok bo‘ldi
Kecha 18 mart kuni taxminan soat 1:00 da Tojikiston poytaxti Dushanbe shahrida YTH sodir bo‘ldi. Hodisa oqibatda esa 22 yoshli O‘zbekiston fuqarosi vafot etgan.
Tojikiston ichki ishlar vazirligining Dushanbe shahar boshqarmasi ma’lumotlariga ko‘ra, «Mersedes-Bens» rusumli avtomashina haydovchisi (davlat raqami 002KK03), 22 yoshli O‘zbekiston fuqarosi Isroilov Asadbek Ismoilo‘g‘li katta tezlikda «Zafar» mahallasidan Ismoil Somoniy xiyoboni tomon harakatlangan. U N.Mahsum ko‘chasi bo‘ylab harakatlanayotganida yo‘lda boshqaruvni yo‘qotib, temir panjaraga borib urilgan.
«Tezlik shunchalik yuqori bo‘lganki, zarbadan avtomobil ikki qismga bo‘lingan, keyin esa orqa qismi yonib ketgan. Haydovchi olgan tan jarohatlari tufayli voqea joyida vafot etgan», – deyilgan xabarda.
Hodisa bo‘yicha tergov harakatlari boshlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter