AQSh Kongressi Saylovchilar kollegiyasida Jo Baydenni Donald Tramp ustidan g‘alaba qozonganligini tasdiqladi. Bu haqda «CNN» xabar berdi.

Xabaringiz bor, Jo Bayden saylovchilar kollegiyasining prezidentlik uchun zarur 270 ta ovozidan oshib ketgan.

Senat va palatalar Jorjiya va Pensilvaniyaning Baydenga saylovchilar tomonidan berilgan ovozlarni chiqarib tashlash haqidagi e’tirozlarini rad etishdi. Respublikachilar, shuningdek, Arizona, Nevada va Michigan shtatlarining saylovchilar tomonidan berilgan ovozlariga e’tiroz bildirishdi, ammo munozaralarga kelguniga qadar bu takliflar muvaffaqiyatsiz tugadi.

Eslatib o‘tamiz, Tramp tarafdorlari chorshanba kuni AQSh Kapitoliyga bostirib kirgandi. Natijada to‘rt kishi bevaqt olamdan o‘tgani aytilmoqda. 

Kongress mazkur jarayonda tezroq Baydenning g‘alabasini tasdiqlagan bo‘lishi ham mumkin.

2020-yil 3-noyabrda bo‘lib o‘tgan saylovlarda Baydennning g‘alabasini deyarli butun dunyo (barcha yirik davlatlar) tan olib ulgurdi.