Keksa yoshli otaxonni masxara qilgan yigit javobgarlikka tortildi
Ijtimoiy tarmoqlarda umumiy ovqatlanish oshxonasida bir yigit keksa otaxonning yoniga kelib, uni qo‘rqitib, ustidan kulgani aks etgan video tarqaldi. Aniqlanishicha, ushbu holat Samarqand viloyatida sodir bo‘lgan.
Samarqand Ichki ishlar boshqarmasining ma’lum qilishicha, voqea joriy yilning 11 mart kuni sodir bo‘lgan. Video ijtimoiy tarmoqlarda tarqalganidan so‘ng, keksa yoshdagi insonni masxara qilib, videoni «Tik-Tok»ka joylagan yigit ushlanib, unga nisbatan tegishli tartibda hujjatlar rasmiylashtirilgan.
«11-mart kuni ishxonamizga har kun keladigan amaki bilan hazillashdim va ijtimoiy tarmoqlarga tarqatdim. Qilgan ishimdan pushaymonman. Boshqa qaytarilmaydi. Amakidan va butun xalqdan kechirim so‘rayman», — deydi aybiga iqror bo‘lgan yigit.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter