Soliq qo‘mitasi raisi o‘rinbosari sog‘liqni saqlash tizimiga «safarbar qilindi»
O‘zbekiston prezidentining 3-iyuldagi qaroriga asosan Sog‘liqni saqlash vaziri rahbariyatida bir qator yangi tayinlovlar amalga oshirilgani haqida xabar bergandik.
Sog‘liqni saqlash vazirining o‘rinbosari lavozimiga Azizov Abdulla Abdisalomovich ham tayinlandi.
A.Azizov 1981-yilda tug‘ilgan. 2003-yilda Yaponiyaning Nagoya universitetini, 2004-yilda Jahon iqtisodiyoti va diplomatiya universitetini moliya va xalqaro biznes yo‘nalishi bo‘yicha magistr darajasini olgan.
Shuningdek, Daniyaning Orxus universiteti magistraturasini, Orxus texnika kollejini IT-dasturchi mutaxassisligi bo‘yicha tamomlab, ushbu yo‘nalishda mehnat faoliyatini boshlagan.
Tayinlovga qadar 2006 – 2019-yillarda Daniyada qator nufuzli kompaniyalarda mas’ul lavozimlarda ishlagan. 2019-yil sentyabr oyidan ayni paytga qadar O‘zbekiston Respublikasi Davlat soliq qo‘mitasi raisi o‘rinbosari lavozimida faoliyat yuritib kelgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas