2025 йил май ойида Ўзбекистонга 1,1 миллион нафарга яқин хорижий сайёҳлар ташриф буюрди. Бу кўрсаткич ўтган ойдаги рекордни янгилади - ўшанда сайёҳлар сони биринчи марта миллиондан ошганди. Бундай ўсишга туризм соҳасида амалга оширилаётган ислоҳотлар туфайли эришилмоқда. Мамлакат янада очиқроқ бўлиб, бошқа давлатлар билан фаол ҳамкорлик қилмоқда.

Жорий йилнинг 6-8 июн кунлари Бухоро шаҳрида Туризм қўмитаси, Бухоро вилояти ва шаҳар ҳокимликлари, вилоят туризм бошқармаси, «Ҳунарманд» уюшмаси ҳамда бошқа қатор ташкилотлар ҳамкорлигида ташкил этилган XXI анъанавий халқаро «Ипак ва зираворлар» фестивали бўлиб ўтмоқда.

Жорий йилнинг 29 май куни Қашқадарё вилоятининг Китоб туманида жойлашган «Қайнар» ва «Башир» қишлоқларига «Туризм қишлоғи» мақомини тасдиқловчи сертификатлар Туризм қўмитаси томонидан қишлоқ аҳолисига тантанали тарзда топширилди.

Жорий йил 28-31 май кунлари Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, Олий таълим, фан ва инновациялар вазирлиги, Қорақалпоғистон Республикаси Вазирлар Кенгаши, «Ўзбекистон темир йўллари» АЖ ва бошқа тегишли ташкилотлар билан ҳамкорликда «Орол денгизига поезд» ёшлар экологик акцияси ўтказилмоқда.

Жорий йил 24-31 май кунлари Туризм қўмитаси ва Ўзбекистоннинг Варшава, Рим, Қоҳирадаги дипломатик ваколатхоналари билан ҳамкорликда Полша, Италия, Бельгия ҳамда Миср давлатларининг таниқли, оммабоп ОАВ вакиллари, инфлюенсерлари, блогерларининг Ўзбекистонга ташрифи ташкил этилди.

Жорий йилнинг 29 май куни туризм инфратузилмасини ривожлантириш, туристлар учун қўшимча қулайликлар яратиш, кўрсатилаётган хизматлар сифатини такомиллаштириш ҳамда жозибадорлигини ошириш мақсадида Фарғона вилоятининг Марғилон шаҳрида «Ўрта асрларда Марғилон ипак матоларининг халқаро бозордаги аҳамияти» мавзусида кўргазма ва илмий-амалий конференцияни ўз ичига олган халқаро Форум бўлиб ўтади.

Туризм қўмитаси томонидан сайёҳларга қулайликлар яратиш, уларнинг ҳар бир ҳудудда мазмунли дам олишлари, эркин пиёда юришларини ташкил этиш мақсадида маълум йўналишларда «автомобилдан холи ҳудуд»лар ташкил этилмоқда.

23 май куни «Rally Muynak» экстремал автомобил мусобақаларининг тантанали очилиш маросими бўлиб ўтди. Мусобақа, нафақат Қорақалпоғистон балки Ўзбекистон миқёсидаги кўпгина хорижий туристларни жалб қилувчи ўзига хос тадбир ҳисобланади.

2025 йил 23 май куни Жанубий Кореянинг «T'way Air» лоукостер авиакомпаниясига тегишли илк тўғридан-тўғри авиарейс муваффақиятли тарзда Тошкент шаҳридаги Ислом Каримов номидаги халқаро аэропортга қўнди. Ушбу парвоз Корея Республикаси пойтахти Сеул шаҳридан амалга оширилди.

Ҳар қандай сайёҳ сафарга чиқаркан кўпроқ жойни кўришни истайди – ажойиб табиат, тарихий обидалар, замонавий кўнгилочар жойлар. Наманган – айнан шундай жой! У ерда чиройли табиат ҳам, тарихий объектлар ҳам, замонавий кўнгилочар масканлар ҳам бор. Хўш, у ерга қандай борилади?

Оролбўйи минтақасида экологик муаммоларни ўрганиш ва уларни бартараф этиш йўлида ёшларнинг фаоллигини ошириш мақсадида жорий йилнинг 28-31 май кунлари Туризм қўмитаси томонидан ҳар йили ўтказиладиган «Орол денгизига поезд» ёшлар экологик акцияси ташкил қилинмоқда.

Гастрономик туризм замонавий саёҳатнинг ажралмас қисмига айланиб, нафақат маҳаллий таомлардан лаззатланиш, балки маълум бир ҳудуднинг маданияти ва анъаналарини чуқурроқ англаш имконини бермоқда.

«Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги 935-сонли Қонунида «Умра» тадбирларини ташкил этиш ва ўтказиш бўйича хизматлар кўрсатишга доир фаолият лицензияланадиган фаолиятнинг алоҳида тури сифатида белгиланган.

2025–2027 йиллар учун БМТ Туризмнинг Европа бўйича комиссияси раислигига Ўзбекистон Республикаси ўз номзодини илгари сурди. Мазкур нуфузли лавозимга Ўзбекистон тарихда илк бор ўз номзодини илгари сурмоқда. Бу ташаббус мамлакатимизнинг халқаро туризм ташкилотлари доирасидаги фаоллиги ва юксак ишончга сазовор бўлаётганининг яққол ифодасидир.

Самарқанд вилоятининг Ургут тумани Терсак қишлоғига «Туризм қишлоғи» мақоми берилди.

Туризмни ривожлантириш ва Ўзбекистонга кўпроқ сайёҳлар оқимини жалб этиш мақсадида 16-18 май кунлари пойтахтдаги «Анҳор Локомотив» боғида «Coffee&Tea Fest Expo Uzbekistan» фестивали ўтказилади.

2025 йилнинг апрель ойида Ўзбекистонга 1 миллиондан ортиқ хорижий сайёҳ ташриф буюрди. Бу рақам нафақат тарихий натижа, балки мамлакатимизда туризм соҳасида олиб борилаётган изчил ислоҳотлар, хусусан, очиқлик ва халқаро ҳамкорликни мустаҳкамлаш натижаси.

Марказий Осиёнинг қоқ марказида жойлашган Ўзбекистон ислом дунёси харитасидаги энг муҳим нуқталардан бири саналади. Унинг қадимий шаҳарлари - Самарқанд, Бухоро, Термиз, асрлар давомида нафақат савдо ва илм-фан марказлари бўлиб хизмат қилган, балки мусулмон оламининг барча бурчакларидан

2025 йил 28 апрель куни «Хитойда Ўзбекистон туризм йили» доирасида Туризм қўмитаси ҳамда мамлакатимизнинг Хитойдаги элчихонаси кўмагида Хунан провинциясининг Чанша шаҳрида «Ўзбекистон бўйлаб саёҳат қил» номли Roadshow тадбирини ўтказди. Тадбир хитойлик сайёҳларни жалб этиш ва давлатларимиз ўртасидаги икки томонлама алоқаларни мустаҳкамлаш орқали туризмни ривожлантиришда муҳим қадам бўлди.

Туризм қўмитаси томонидан Жиззах вилояти Ғаллаорол туманининг Узунбулоқ маҳалласига тантанали равишда «Туризм маҳалласи» мақоми берилди.