Париж Сен-Жермени Серхио Рамос билан шартнома имзолаганини эълон қилди.

Парижнинг «ПСЖ» клуби Испания ҳимоячиси Серхио Рамос билан шартнома имзолаганини эълон қилди. Бу ҳақда клуб матбуот хизмати хабар берди.

Испаниялик футболчи ПСЖга эркин агент сифатида қўшилди ва икки йиллик шартнома имзолади.

ПСЖ президенти: «Серхио Рамос — мукаммал футболчи, тарихдаги энг яхши ҳимоячилардан бири!»

«ПСЖ» президенти Носир Aл-Хелайфи испаниялик ҳимоячи Серхио Рамос билан шартнома имзолаганига изоҳ берди.

«У замонамизнинг энг зўр ўйинчиларидан бири. Рамос мукаммал футболчи, тарихдаги энг яхши ҳимоячилардан бири. У туғма курашчи, етакчи ва ажойиб мутахассис. Унинг тажрибаси бизга катта ёрдам беради. У энди ПСЖда эканлигидан ғурурланаман», — деди Aл-Хелайфи клуб матбуот хизматига берган интервьюсида.

Серхио Рамос: «Менинг мақсадим — ривожланишда давом этиш ва унвонларни қўлга киритиш!»

Испаниялик ҳимоячи Серхио Рамос «ПСЖ»га ўтиши ҳақида фикр билдирди.

«Мен ПСЖга ўтганимдан жуда хурсандман. Бу мен учун янги синов ва ўзгача кун. Мақсадим — ривожланишда давом этиш ва унвонларни ютиб олиш», — дея ПСЖ расмий сайти Рамоснинг сўзларини келтирган.

17 июнь куни «Қироллик клуби» яримҳимоячиси Серхио Рамос «Реал» билан хайрлашгани ҳақида хабар бергандик.

Эслатиб ўтамиз, унга Англиянинг «Манчестер Сити», «Манчестер Юнайтед» ҳамда Франциянинг «ПСЖ» жамоалари қизиқиш билдиришганди.