«Марафон учун туғилганлар»: Эфиопияликлар Парижни ҳам забт этишди
Эфиопиялик Дезо Желмиза Парижда ўтган 45-халқаро марафонда 2 соат 5 дақиқа 7 сония натижа билан марра чизиғини биринчи бўлиб кесиб ўтди.
24 ёшли Желмиза ватандоши Сайфа Туруни атиги бир неча сонияга ортда қолдирди.
Учинчи ўринни 2 соат 5 дақиқа 22 сония, яъни ўз мамлакати учун янги рекорд кўрсаткич билан франциялик Морҳад Амдуни эгаллади.
Аёллар ўртасида 2 соат 19 дақиқа 48 сонияда финишга етиб келган кениялик Жудит Жептом марафон ғолибаси бўлди.
21 март куни Рим 27-халқаро марафонида ҳам Эфиопия югурувчилари мутлақ зафар қучган: эркаклар олтин ва кумуш, аёллар олтин ва бронза медалларни қўлга киритганди.
Узоқ масофага югуришда эфиопияликларга биргина жанубдаги қўшниси кенияликлар бас келиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter