Япония тарихидаги энг йирик кокаин контрабандаси фош қилинди
Иокогама шаҳри божхона хизмати мамлакат тарихидаги энг йирик — 700 килограммлик кокаин контрабандасини фош этди. «Kyodo» агентлиги гиёҳванд моддалар портда турган кемадан топилганини ёзмоқда.
Кокаин контейнерлардан бирида, бананлар учун мўлжалланган қутилар орасидан чиққан. Кема экипажи тақиқланган моддага дахлдорлигини рад этмоқда. Кема Иокогамага қаердан сузиб келгани хабар қилинмаган.
Мутахассислар қўлга олинган партия қийматини «қора бозор курси»да 14 млрд иена (130 млн. доллар)га баҳолашди.
Япония полицияси икки хил тахминни илгари суряпти: биринчиси, бу йирик халқаро контрабанда гуруҳининг иши, иккинчиси, юк Япония учун мўлжалланмаган, уни манзилга етказа олишмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter