Яна бир нуфузли мусобақа коронавируснинг «қурбони»га айланди
Жорий йилнинг 17-22 март кунлари Малайзияда велоспортнинг шоссе йўналишида Осиё чемпионати ўтказилиши белгиланган эди. Афсуски, айни пайтда бутун дунё ҳамжамиятини ташвишга солиб келаётган коронавирус мазкур мусобақага ҳам ўз таъсирини ўтказди. Бу ҳақда Миллий олимпия қўмитаси матбуот хизмати хабар бериб ўтди.
Осиё велоспорт конфедерацияси ўтказган йиғилиш қарорига кўра, мазкур мусобақа вирус сабаб бекор қилинди. Халқаро ташкилот мутасаддилари бундай вазиятда спортчиларнинг соғлиғи ҳар қандай ҳолатда ҳам биринчи ўринга олиб чиқилишини таъкидлашмоқда. Осиё чемпионатининг қачон ва қаерга қолдирилиши борасида якуний қарор яқин кунлар ичида эълон қилинади.
Велоспорт бўйича асосий терма жамоамиз айни пайтда Туркияда ушбу мусобақага тайёргарлик олиб бораётган эди. Халқаро ташкилотнинг қарори йиғинимизга таъсир ўтказмайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter