Жорий йилнинг 6 апрель куни ўзбекистонлик аёл моддий сабабларга кўра Туркия фуқароси бўлган эрини пичоқлаб қўйгани айтилмоқда.

Маълум бўлишича, 4 йилдан бери бирга яшаётган жуфтлик орасида жанжал келиб чиққан ва аёл ошхонадан пичоқ олиб келиб, турмуш ўртоғига санчган. Эри ерга йиқилганидан сўнг аёл таксопаркка қўнғироқ қилиб, турмуш ўртоғини касалхонага олиб бориши кераклигини айтиб, машина сўраган. Такси ҳайдовчиси келиб ҳушсиз ётган эркакни кўрган ва тез ёрдам чақирган. Воқеа жойига етиб келган шифокорлар унинг ўлимини қайд этган. Аёл эса полиция ходимлари томонидан қўлга олинган.
Ўзбекистоннинг Истанбулдаги бош консулхонаси берган маълумотга кўра, Туркия фуқароси спиртли ичимлик истеъмол қилган ва ўзбекистонлик аёлига нисбатан мунтазам равишда жисмоний ва руҳий босим ўтказиб келган.
Консулхона берган хабарда воқеа содир бўлган пайти хонада бошқа шахслар ҳам бўлгани айтилади.
«Дастлабки терговга кўра, марҳум эракни бўғаётган пайтда орқа томондан пичоқ билан жароҳатланган. Бу эса уни бошқа шахс томонидан пичоқланган бўлиши эҳтимолини истисно этмайди», – дея қўшимча қилинади хабарда.
Айбланувчининг холаси, ўз навбатида, ҳали унинг жияни суд томонидан айбдор деб топилмагани, шунинг учун ижтимоий тармоқ фаолларидан воқеа ҳақида хабар тарқатаётганда буни ҳисобга олишни сўради.
Аниқланишича, оиланинг бир нафар фарзанди бўлган.