Тошкентда Шайх Муҳаммад Содиқ Муҳаммад Юсуф номидаги масжид очилди (фото)
![Тошкентда Шайх Муҳаммад Содиқ Муҳаммад Юсуф номидаги масжид очилди (фото)](https://static.xabaruz.com/crop/1/6/720_460_95_1667669882.jpg)
Чилонзор туманидаги Сўгалли ота зиёратгоҳи ёнида Шайх Муҳаммад Содиқ Муҳаммад Юсуф қурилишини бошлатган масжид узоқ йиллар қаровсиз ҳолда қолиб кетган эди.
![](https://static.xabar.uz/uploads/8/720__70bOQYrkzZkCUktd_XhuwdpnfHtXJxVz.jpg)
Президентимиз Шавкат Мирзиёев ўтган йили февраль ойида бу ерга келиб, масжидни кенг ва кўркам қилиб қуриш бўйича топшириқлар берган эди.
![](https://static.xabar.uz/uploads/8/720__4UwuqVGL159e8-JXOdiF67mW5916zrjq.jpg)
Бугун 2 гектардан зиёд майдонда улкан мажмуа бунёд этилди. Аввалги лойиҳадаги айвон ўрни ҳам масжид биносига қўшилиб, янада кенгайтирилди. Мажмуадан, шунингдек, конференц-зал, ўқув хоналари, таҳорат хона, музей ва бошқалар жой олган. Йўл бўйидаги Сўгалли ота мақбараси таъмирланган. Бетон қолдиқлари чиқариб ташланиб, кўкаламзорлаштирилган.
![](https://static.xabar.uz/uploads/8/720__b5r-40rbOIklRfM--SIIvBugV-VR_LTX.jpg)
Маълумки, Шайх Муҳаммад Содиқ Муҳаммад Юсуф Ўрта Осиё ва Қозоғистон мусулмонлари диний идораси раиси, муфтий бўлган. Турли диний-маърифий мавзуларда юздан зиёд китоблар ёзиб, ислом дини моҳиятини тўғри етказиш, одамларнинг билим ва маънавиятини оширишга катта ҳисса қўшган.
![](https://static.xabar.uz/uploads/8/720__8hi2zz8B18wFl9QzuNKtaLl32sKjJwXY.jpg)
Давлат раҳбари матбуот хизмати хабарига кўра, Президентимиз бу масжид Шайх Муҳаммад Содиқ Муҳаммад Юсуф номига муносиб бўлганини таъкидлади. Шайх ҳазратларининг илмий меросини ўрганиш, маърифат ва одоб-ахлоқ мавзуларида кўпроқ китоблар чоп этиш, жамиятимиздаги маънавий муҳитни мустаҳкамлаш бўйича тавсиялар берилди.
![](https://static.xabar.uz/uploads/8/720__NgauFUiFeG_aba-S7xjGU_rOr0EW7TEM.jpg)
![](https://static.xabar.uz/uploads/8/720__nX6ASjymDD_uWAkPvgPMF0t9ZoDmlmbL.jpg)
![](https://static.xabar.uz/uploads/8/720__zkPsSuJ5ZXX6HL-qnoHizYb3kq6320Ca.jpg)
![](https://static.xabar.uz/uploads/8/720__i73LXktNJOZLfT1sRC7rk41OLVcvO9cr.jpg)
![](https://static.xabar.uz/uploads/8/720__-I19LMTK58u4fsOzBlqryjgIBNJxy6P-.jpg)
![](https://static.xabar.uz/uploads/8/720__5bc372RL0ThkAMOingshIPgp_W9wbWb1.jpg)
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter