Toshkentda Shayx Muhammad Sodiq Muhammad Yusuf nomidagi masjid ochildi (foto)
![Toshkentda Shayx Muhammad Sodiq Muhammad Yusuf nomidagi masjid ochildi (foto)](https://static.xabaruz.com/crop/1/6/720_460_95_1667669882.jpg)
Chilonzor tumanidagi So‘galli ota ziyoratgohi yonida Shayx Muhammad Sodiq Muhammad Yusuf qurilishini boshlatgan masjid uzoq yillar qarovsiz holda qolib ketgan edi.
![](https://static.xabar.uz/uploads/8/720__70bOQYrkzZkCUktd_XhuwdpnfHtXJxVz.jpg)
Prezidentimiz Shavkat Mirziyoyev o‘tgan yili fevral oyida bu yerga kelib, masjidni keng va ko‘rkam qilib qurish bo‘yicha topshiriqlar bergan edi.
![](https://static.xabar.uz/uploads/8/720__4UwuqVGL159e8-JXOdiF67mW5916zrjq.jpg)
Bugun 2 gektardan ziyod maydonda ulkan majmua bunyod etildi. Avvalgi loyihadagi ayvon o‘rni ham masjid binosiga qo‘shilib, yanada kengaytirildi. Majmuadan, shuningdek, konferens-zal, o‘quv xonalari, tahorat xona, muzey va boshqalar joy olgan. Yo‘l bo‘yidagi So‘galli ota maqbarasi ta’mirlangan. Beton qoldiqlari chiqarib tashlanib, ko‘kalamzorlashtirilgan.
![](https://static.xabar.uz/uploads/8/720__b5r-40rbOIklRfM--SIIvBugV-VR_LTX.jpg)
Ma’lumki, Shayx Muhammad Sodiq Muhammad Yusuf O‘rta Osiyo va Qozog‘iston musulmonlari diniy idorasi raisi, muftiy bo‘lgan. Turli diniy-ma’rifiy mavzularda yuzdan ziyod kitoblar yozib, islom dini mohiyatini to‘g‘ri yetkazish, odamlarning bilim va ma’naviyatini oshirishga katta hissa qo‘shgan.
![](https://static.xabar.uz/uploads/8/720__8hi2zz8B18wFl9QzuNKtaLl32sKjJwXY.jpg)
Davlat rahbari matbuot xizmati xabariga ko‘ra, Prezidentimiz bu masjid Shayx Muhammad Sodiq Muhammad Yusuf nomiga munosib bo‘lganini ta’kidladi. Shayx hazratlarining ilmiy merosini o‘rganish, ma’rifat va odob-axloq mavzularida ko‘proq kitoblar chop etish, jamiyatimizdagi ma’naviy muhitni mustahkamlash bo‘yicha tavsiyalar berildi.
![](https://static.xabar.uz/uploads/8/720__NgauFUiFeG_aba-S7xjGU_rOr0EW7TEM.jpg)
![](https://static.xabar.uz/uploads/8/720__nX6ASjymDD_uWAkPvgPMF0t9ZoDmlmbL.jpg)
![](https://static.xabar.uz/uploads/8/720__zkPsSuJ5ZXX6HL-qnoHizYb3kq6320Ca.jpg)
![](https://static.xabar.uz/uploads/8/720__i73LXktNJOZLfT1sRC7rk41OLVcvO9cr.jpg)
![](https://static.xabar.uz/uploads/8/720__-I19LMTK58u4fsOzBlqryjgIBNJxy6P-.jpg)
![](https://static.xabar.uz/uploads/8/720__5bc372RL0ThkAMOingshIPgp_W9wbWb1.jpg)
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter