Tufts университетининг америкалик олимлари стресс гормони кортизол даражасини ўлчашга қодир бўлган ўрнатилган сенсорга эга "ақлли" тиш ипини ишлаб чиқдилар. Қурилма тананинг ҳолатини ҳар куни кузатиб бориш учун қулай воситага айланиши мумкин. Ихтиро ACS Applied Materials & Interfaces (ACS AMI) илмий журналида тасвирланган.

Оддий тозалаш пайтида ип сўлакни тўплайди ва уни тутқичдаги микрочипга йўналтиради. Молекуляр босиб чиқариш технологияси ёрдамида яратилган сенсор 10 дақиқа ичида кортизол концентрациясини аниқлайди ва маълумотларни смартфонга узатади.

"Бизнинг қурилмамиз бирданига бир нечта муаммоларни ҳал қилади: у фойдаланишда кўринмас, махсус процедураларни талаб қилмайди ва объектив маълумотларни тақдим этади", деб тушунтирди тадқиқот раҳбари Самир Сонкусале.

Синов шуни кўрсатдики, ихтиронинг аниқлиги ELISA лаборатория таҳлили билан солиштириш мумкин. Қурилма кортизолнинг кичик тебранишларини ҳам аниқлай олади, бу сурункали стрессни эрта ташхислаш учун муҳим, сабаби, у жиддий касалликларга олиб келиши мумкин.

Ишлаб чиқувчилар сўлакдаги бошқа биомаркерларни аниқлаш учун технологияни мослаштиришни режалаштирмоқдалар. Келажакда бу кундалик гигиена воситаларига бирлаштирилган бир қатор уй диагностикаси воситаларини яратишга олиб келиши мумкин.