Украинада Зеленскийга «рақиб» топилди
Украина президенти девони раҳбарининг собиқ маслаҳатчиси Алексей Арестович мамлакатдаги бўлажак президентлик сайловларида иштирок этишни режалаштираётганини айтди.
Бу ҳақда «Интерфакс-Украина» хабар бермоқда.
«Ҳа, мен ҳаракат қиламан», деди у президентликка номзодини қўйиши бўйича саволга.
Аввалроқ Strana.ua нашри украиналикларнинг аксарияти можаро давом этаётганига қарамай, мамлакатда сайлов ўтказиш таклифларига салбий муносабатда эканини ёзган эди. Киев халқаро социология институти сўровига кўра, респондентларнинг 81 фоизи овоз беришга қарши чиққан.
Эслатиб ўтамиз, уруш шароитида Украинада президент сайловлари бўлмаслиги эҳтимоли катта. Амалдаги президент Владимир Зеленский 2019 йилда сайланган ва унинг муддати кейинги йил расман тугайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter