Калий ва магний миқдори юқори бўлган ичимликлар юрак-қон томир тизимининг фаолиятини яхшилашга ва қон босимини пасайтиришга ёрдам беради. Бу ҳақда россиялик диетолог, биология фанлари номзоди Александр Мирошников «Москва 24» телеканалига маълум қилган.

Мутахассиснинг фикрича, кунига атиги бир пиёла кофе ёки какао юрак ишига ижобий таъсир қилади. Бу ичимликлар нафақат кофеинни, балки етарли миқдорда калий ва магнийни ҳам ўз ичига олади, ушбу микроелементлар қон босимини пасайтиришга, қон томирларини мустаҳкамлашга ёрдам беради.

Мирошников, шунингдек, мунтазам равишда янги сиқилган лавлаги шарбатини ичишни тавсия қилган.

«Лавлаги шарбати юракни яхши мустаҳкамлайди. Гап шундаки, лавлаги таркибида қон томирларимизни кенгайтирувчи ва юракнинг нафас олишига ёрдам берадиган азот оксиди — NO2 мавжуд», дейди Мирошников.

Диетолог, шунингдек, эрталаб қаҳва ва какао ичиш яхшироқ эканлигини таъкидлади. Шунингдек, сиз диетага яшил чой қўшишингиз мумкин, у юрак томирларини эластик қиладиган бирикмаларни ўз ичига олади.