«Сайтдаги харитани тузатиб қўйинг»: рус элчиси Халқаро олимпия қўмитасига мурожаат қилди
Қрим яримороли Украина таркибида кўрсатилган харитани Халқаро олимпия қўмитаси (ХОҚ) тузатиб қўйиши лозим. Бу талабни Россиянинг Япониядаги элчиси илгари сурди.
«Қрим Россия Федерациясининг ажралмас қисми ҳисобланади, унинг тегишлилик масаласи узил-кезил, истисноларсиз ёпилган. Шундан келиб чиқиб, МОҚ ва Токио олимпиадаси ташкилотчилари кўрсатилган харитага Қрим ҳақиқатга мос ҳуқуқий ва объектив реалликка мувофиқ тасвирланадиган тузатишлар киритишлари керак», — дейилади Россия элчихонаси «Facebook»да қолдирган постда.
Рус элчиси эслаб ўтган «хато харита» МОҚ расмий сайтининг Токио-2020 Олимпия ўйинлари «Жадваллар ва натижалар» бўлимида жойлашган.
Қизиғи, 22 июль куни Украина ташқи ишлар вазирлиги ҳам шу харита масаласида норозлик билдирганди: Қрим ва Украина ўртасига чегара тушиб қолган экан. МОҚ дарров айбни провайдерга ағдариб, кечирим сўраган ва хатони бир пасда тузатишга ваъда берганди. Қизиқ, энди кимни «айбдор» қилишаркан...
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter