«Ўзгидромет»: ҳафта охирига бориб ҳаво исиб кетади
Республика Гидрометеорология хизмати бошланган ҳафта учун об-ҳаво маълумотини эълон қилди.
Ўтган ҳафта давомида Волга бўйи ҳудудларидан антициклон ҳисобига кириб келган салқин ҳаво аста-секин кучсизланади. Салқин ҳаво шарққа, Қозоғистон ҳудуди томонга қараб чекинади.
Бугун Ўзбекистонда ҳарорат 27-32° бўлган қуруқ ва нисбатан салқин ҳаво бўлиши кутилмоқда.
Эртага ва ҳафтанинг охиригача республика ҳудуди бўйича кам булутли ва қуруқ об-ҳаво сақланиб туради. Кечаси ва ерта тонгда ҳаво 12-15° атрофида салқин бўлади, кундуз кунлари эса қуёш нурлари ҳавони иситади ва ҳарорат сешанба куни 29-34° дан - ҳафта охирига келиб 32-37° гача аста-секин кўтарилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter