Ўрта бюджетли смартфонни ёки кечаги флагмани арзон нархда сотиб олиш жуда ўринли қарор, бундай гаджетлар узоқ умр кўришади ва улар узоқ вақт долзарблигини йўқотмайди. Фойдаланилган смартфонни қандай  сотиб олиш ва  харидингиздан завқланиш учун ўзингизни зарур билим ва ахборот билан қуроллантиришингиз лозим. Шунда харидингиз сизга бир кун эмас балки янада кўпроқ вақт давомида садоқат ила хизмат қилишига муваффақ бўлади.

• Сотиб олишга тайёргарлик

Модел ҳақида қарор қабул қилинг.

Унинг хусусиятлари ва камчиликларини ўрганинг (батареянинг қандай ишлаши, экраннинг сифати қандай ва бошқалар). Сизнинг смартфонингизда бўлиши керак бўлган тўлиқ тўплам, мажбурий аксессуарлар ва чиқарилган йили ҳақида ҳамма нарсани билиб олинг: агар смартфон беш ёшдан ошган бўлса, у ахлоқий жиҳатдан эскирган ҳисобланиб сизга яхшигина савдолашиш имконини беради. 

Одатда ишлатилган модел нархи дўкондаги аналог нарҳидан 30-50% паст бўлиши мумкин.

Ишлатилган смартфонни сотиб олаётганда, эсда тутинг: сотиб олиш тўғрисида қарор қабул қилишдан олдин уни олдиндан кўришингиз керак.  Шунинг учун биз сизга смартфоннинг ҳақиқий фотосуратини ўз ичига оладиган эълонларга эътибор беришингизни тавсия киламиз.

• Биринчи текширув

Одатда: сизга маркали ва асл қутисидаги смартфон керак.

• Қутининг асл эканлигига қандай ишонч ҳосил қилиш мумкин? Қутидаги IMEI-ни топинг – ҳар бир смартфонга тайинланган асл рақам. Смартфон қутисидаги маълумотларни дисплейдаги маълумотлар билан *#06#  териш орқали солиштиринг. Эсингизда бўлсин: ҳар бир телефоннинг ўз IMEI мавжуд. Телефоннинг Ўзбекистонда рўйхатдан ўтганлигини текшириш учун ушбу IMEI кодини uzimei.uz веб-сайтига киритинг.

Смартфон билан бирга зарядловчиси асл эканлигини текширинг (агар тўплам тўлиқ бўлмаса тортинмасдан чегирма талаб қилишингиз мумкин).

• Ҳаммаси жойида? Кейинги қадам: корпус ва экран

Корпусда дефектлар борми, йўқми диққат билан ўрганиб чиқинг.  Корпусдаги чизиқлар ва ўйиндилар смартфоннинг қаттиқ лат еганидан дарак беради, бунинг натижасида смартфон тўғри ишламаслиги мумкин.  Аммо биз кичик чизиқларни ҳисобга олмаймиз, ахир бизнинг смартфонимиз аввал ишлатилган. Агар гаджет сувга тушган бўлса, улар оксидланади ва ҳар доим ҳам бу изларини яшириш мумкин эмас.

Зарядлаш портини ва қулоқчин уясини кўриб чиқинг.

Тугмалар босимга қандай жавоб беришини текширинг, улар тўғри ишлаяптими? Биз овозни бошқариш, камерани ишга тушириш ва бошқа муҳим функциялар ҳақида гапираяпмиз.

Энди экран – у смартфоннинг энг қиммат қисмидир. Экранда ҳимоя плёнкаси ёки ойна борми? Олиб ташлашни сўранг: сотувчилар кўпинча дисплей нуқсонларини шу тарзда яширишга ҳаракат қилишади. 

Бузилган пикселлар экрандаги кичик нуқталар бўлиб, улар рангини ўзгартира олмайди ва баъзи фойдаланувчиларни жуда безовта қиладилар.

Кичик пикселлар тўпланиб доғга айланиши мумкин. Уларни экраннинг оқ фонида кўриш мумкин.

Камеранинг ишлашини текширамиз

Кетма-кет бир неча суратга олиш орқали автофокус ишлашини синаб кўринг. Оқ қоғозни ёки бирор очиқ рангли фонни суратга олинг. Очиқ рангли кадрла доғ ҳосил булдими? Бу муаммони фақат сервисда бартараф этиш мумкин. Видеога олинг - томоша қилинг ва тингланг. Стандарт созламалардан эмас, балки максимал ўлчамлардан фойдаланинг. Агар камера соз бўлса кейинги қадамга ўтишингиз мумкин.

• Смартфонни жойида синовдан ўтказамиз.

Учрашувга power-bankни олиб боринг ёки яқин атрофдаги розеткани топинг ва зарядловчи уланганда зарядловчи уясини ва смартфонни ўзини қандай тутишини текширинг.

• WI-FI-ни текширинг - қамров зонасига кириб уланишга эринманг. Bluetooth билан қулоқчинга уланг ва уларни синаб кўринг: овоз кесилмаслиги ва мукаммал бўлиб қолиши керак.
  Алоқа сифати. Иккала йўналишда ҳам алоқа сифатини ва эшитиш даражасини текширинг. Сим картангизни смартфонингизга жойлаштиринг, дўстингизга қўнғироқ қилинг ва у сизни ҳар хил товуш даражаларида қандай эшитаётганини билиб олинг. Сигнал кўрсаткичларини барқарорлигини текширинг. Яқинлик сенсорини текширинг: сиз гаплашаётганда экран ўчиб қолиши керак, телефонни қулоғингизга келтиринг. Агар сизнинг смартфонингизда иккита Сим-карта бўлса, иккала уяни текширинг.

Смартфон карнайлари товушини текширинг: созламаларга ўтинг ва қурилманинг овоз баландлигини қўнғироқ оҳанглари ва тебраниш товушларини текширинг.

Бошқа муҳим синовлар

Смартфонингизда бармоқ изи сенсори борми? Уни албатта текширинг: бармоқ изингизни қўшинг ва бир неча бор қулфни очиб кўринг ва тезлигини синанг.

Аввалги соҳибининг Google ёки Apple аккуантлари билан боғлиқ қайдлар смартфонда қолган-қолмаганлигини текшириш тавсия этилади. Кам ҳолларда бундай ҳолатлар ҳам учраб туради.

• Фақат илғор фойдаланувчилар учун!

Агар сиз телефон иловасида хизмат менюсини ишга тушириш учун махсус кодни терсангиз (“хизмат менюсига кириш коди+смартфон модели” бўйича google-гa теринг), юқоридаги барча функцияларнинг ишлашини текширишингиз мумкин.

Samsung учун: *#*#8255#*#* ёки *#*#4636#*#*

Xiaomi учун: *#*#6484#*#*

Apple учун: 3001#12345#

Энди сиз муаммо эмас балки қувонч келтирадиган ишлатилган смартфон харид қилиш сценарясини биласиз. Пулингизни беҳуда сарфламанг, бизнинг маслаҳатларимизга амал қилинг ва OLX – мамлакатдаги электрон гаджетларни сотиб олиш ва сотиш бўйича етакчи хизматлар платформига хуш келибсиз.

Реклама