Наполеоннинг шамшири 4,7 млн еврога сотилди
Париждаги кимошди савдосида Наполеон Бонапартнинг шамшири 4,7 млн еврога сотилди, деб хабар берди Giquello аукционлар уйи.
Лотнинг бошланғич баҳоси 700 мингдан 1 млн еврогача эди.
Наполеон Бонапарт 1803 йилда Версал мануфактураси директори Николя Ноэл Бутега шамширни ясашга буюртма берган. Император ҳукмдорлигининг деярли охирги кунларигача қуролни ёнида олиб юрган ва кейин уни империянинг сўнгги маршали Эммануэл де Грушига совға қилган. Шамшир ҳозиргача маршалнинг оиласида сақлаб келинган.
Шамшир турк услубида тайёрланган ва тўлиқ пуштиранг олтиндан ясалган. Дастаси афсонавий қаҳрамонларнинг бўртма тасвирлари билан безатилган. Наполеон шамширининг асли билан бир хил нусхаси Санкт-Петербургдаги Эрмитажда сақланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter