Бугундан бошлаб «Красногорск – Сўқоқ – Чанги – Паркент», «Красногорск – Янгибозор – Тошкент» ҳамда «Красногорск – Янгибозор – Нурафшон» йўналишларида автобус қатновлари қайта тикланди. Бу ҳақда Тошкент шаҳар транспорт бош бошқармаси матбуот хизмати хабар берди.

Транспорт вазирлиги Тошкент вилояти Транспорт бошқармаси томонидан ВҲ-405-сонли «Қизилтоғ қишлоғи – Паркент АШБ» шаҳар атрофи автобус йўналиши 3 та ҳаракат жадваллари билан ВҲ-390-сонли «Невич маҳалласи – Роҳат – Қўйлиқ 5-метро бекати (Қизилтоғ қишлоғи орқали)» шаҳар атрофи автобус йўналиши 7 та ҳаракат жадваллари билан ҳамда ВҲ-416-сонли «Қизилтоғ қишлоғи – Нурафшон АШБ» шаҳар атрофи автобус йўналиши 1 та ҳаракат жадвали билан ташкил этилди.

Ушбу йўналишларда фаолият олиб бориш вазифаси «Красногорск Авто Хизмат» МЧЖга юклатилди. Ҳозирда йўловчи ташиш фаолияти билан шуғулланаётган тадбиркор томонидан ҳар бир йўналишга 4 тадан  транспорт ажратилди. Кейинчалик йўловчи оқимини  ҳисобга олган ҳолда автобуслар сони кўпайтирилиши режалаштирилган.