Аввалроқ AҚШ президенти Жо Байден Исроил бош вазири Нафтали Беннет билан матбуот анжумани пайтида ухлаб қолгани тўғрисидаги хабарлар тарқалди.

Конгресс аъзолари Исроил бош вазири Нафтали Беннетт билан ўтказилган матбуот анжуманида AҚШ президенти Жо Байденнинг ухлаб ётган видеосини танқид қилишди. Бу ҳақда Лифе Life нашри хабар бермоқда.

Улар Twitterдаги саҳифаларида президентнинг хатти-ҳаракатларини қоралабгина қолмай, балки унинг истеъфосини ҳам талаб қилишган.

«Жо Байденни дарҳол бўшатинг! Мамлакатимиз хавф остида», — деб ёзади улардан бири.

«Уйғонинг, Жо. Истеъфога чиқиш тўғрисидаги аризага имзо чекишингиз керак», — дея эътироз билдирган бошқаси.

Aввалроқ CNN мухбири Дэниел Дэйл Twitterда ухлаб ётган AҚШ президенти ҳақидаги хабарни «бемаънилик» деб атади. Унинг сўзларига кўра, Байден нафақат уйғоқ, балки суҳбатдошига «дарҳол жавоб қайтарган».

Матбуот анжуманидан олинган видеода Байден Беннетт олдида кўзларини юмиб, қўлларини тиззасига қўйган ҳолда жим ва ҳаракатсиз ўтиргани акс этган.

2020 йилги президентлик сайловларида AҚШнинг собиқ президенти Дональд Трамп Байденни «уйқучи Жо» деб ҳазиллашарди. У ўша пайтда Демократлар партиясидан номзоднинг DI каналига берган интервьюсини мисол тарқасида келтирган. Журналист уни уйғотишга ҳар қанча уринмасин, Байден уйғонмаган.