Кинотанқидчилар «Оскар»га асосий номзодлар рўйхатини тузишди
Кинотанқидчилар Америка киноакадемиясининг «Оскар» мукофотига асосий даъвогар 11 та фильм номини тилга олишди. Бу ҳақда «USA Today» портали ёзмоқда.
Экспертларнинг фикрича, Леди Гага бош роллардан бирини ўйнаган «Юлдуз туғилди» картинаси «Энг яхши фильм» номинациясини олишга асосий даъвогарлардан бири. Бу фильмнинг яна бир ўзига хослиги Брэдли Купернинг режиссёр сифатидаги дебюти эканлиги.
Мутахассислар «Оскар» олиши мумкин бўлган фильмлар қаторига, шунингдек, Райан Гослинг қатнашган «Ойдаги одам» ва режиссёр Йоргос Лантимоснинг Эмма Стоун бош ролни ижро этган «Маҳбуба» биографик картиналарини ҳам қўшишди. Бу рўйхатнинг давомида «Бевалар», «Мени кечира оласизми?», «Оқ танли Рик» ва «Чиройли бола» фильмларини ҳам учратамиз.
Эслатиб ўтамиз. «Оскар» киномукофоти 2019 йилнинг 24 февраль куни топширилади. Ўтган сафарги тақдирлашда Гильермо дель Торонинг «Сувнинг шакли» киноасари «Энг яхши фильм» бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter