Америкалик кинорежиссёр Шон Бейкер «Анора» фильми билан Лос-Анжелесда ўтган «Оскар» киномукофоти билан тақдирлаш маросимида, вақтлар Уолт Дисней қўлга киритганидек, 4 та (энг яхши сценарий, монтаж, режиссёрлик ва энг яхши филм учун) ҳайкалчага эга чиқди.

Шундай қилиб, мукофотнинг асосий ғолиблари:

• «Энг яхши фильм» – Шон Бейкер, «Анора»;
• «Энг яхши режиссёрлик иши» – Шон Бейкер, «Анора»;
• «Энг яхши актёр» – Эдриан Броуди, «Бруталист»;
• «Энг яхши актриса» – Майки Мэдисон, «Анора»;
• «Энг яхши иккинчи даражали эркак роли» – Киран Калкин, «Ҳақиқий оғриқ»;
• «Энг яхши иккинчи даражали аёл роли» – Зои Салдана, «Эмилия Перес»;
• «Энг яхши сценарий» ва «Энг яхши монтаж» – Шон Бейкер, «Анора»;
• «Энг яхши тўлиқ метражли анимацион фильм» – «Оқим»;
• «Энг яхши грим ва соч турмаклари» – «Субстанция»;
• «Энг яхши ҳужжатли фильм» – «Бошқа ер йўқ».

Маълумот учун, энг яхши анимацион фильм деб топилган Гинц Зилбалодиснинг «Оқим» фильми Латвия тарихида биринчи «Оскар»ни келтирди.