Kinotanqidchilar «Oskar»ga asosiy nomzodlar ro‘yxatini tuzishdi
Kinotanqidchilar Amerika kinoakademiyasining «Oskar» mukofotiga asosiy da’vogar 11 ta film nomini tilga olishdi. Bu haqda «USA Today» portali yozmoqda.
Ekspertlarning fikricha, Ledi Gaga bosh rollardan birini o‘ynagan «Yulduz tug‘ildi» kartinasi «Eng yaxshi film» nominatsiyasini olishga asosiy da’vogarlardan biri. Bu filmning yana bir o‘ziga xosligi Bredli Kuperning rejissyor sifatidagi debyuti ekanligi.
Mutaxassislar «Oskar» olishi mumkin bo‘lgan filmlar qatoriga, shuningdek, Rayan Gosling qatnashgan «Oydagi odam» va rejissyor Yorgos Lantimosning Emma Stoun bosh rolni ijro etgan «Mahbuba» biografik kartinalarini ham qo‘shishdi. Bu ro‘yxatning davomida «Bevalar», «Meni kechira olasizmi?», «Oq tanli Rik» va «Chiroyli bola» filmlarini ham uchratamiz.
Eslatib o‘tamiz. «Oskar» kinomukofoti 2019-yilning 24-fevral kuni topshiriladi. O‘tgan safargi taqdirlashda Gilermo del Toroning «Suvning shakli» kinoasari «Eng yaxshi film» bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter