«ICTWEEK UZBEKISTAN 2024» ахборот-коммуникация технологиялари ҳафталиги доирасида IT соҳасида фаолият юритаётган аёллар учун яратилган имкониятлар ва муаммолар»га бағишланган конференция ҳам ташкил этилган бўлиб, уни Рақамли технологиялар вазири маслаҳатчиси Камола Собирова очиб берди.

IT соҳасининг турли жиҳатлари, жумладан, муҳокама қилиш зарур бўлган мавзулар бўйича бир қатор спикерларнинг чиқишлари орқали эса иштирокчилар касбий ривожланиш, инновациялар ва етакчилик борасидаги билимларини мустаҳкамлаб, ахборот технологиялари соҳасидаги етакчи аёлларнинг фаолият йўллари билан яқиндан танишиб, улар дуч келган қийинчиликларни қандай енгиб ўтганликларини ҳам билиб олишди.

Бундан ташқари, ушбу конференциядан IT соҳасида муваффақиятли карьера қуришга интилаётган аёлларни илҳомлантириш ва ўзаро тенгликни қўллаб-қувватлаш мақсадида «Дунёни олдинга силжитадиган ташаббуслар» панель муҳокамаси ҳам ўрин олган.

Конференция якунида иштирокчилар «IT Ladies Uzbekistan»: IT соҳасидаги аёллар учун чексиз имкониятлар журналининг тақдимоти« билан танишишди.

«ICTWEEK UZBEKISTAN 2024» ахборот-коммуникация технологиялари ҳафталигини хабар.узда кузатиб боринг!