Фарғонада пахта қабул қилиш пунктида ёнғин содир бўлди
Бугун, 27 сентябрь куни соат 13:27да Фарғона вилояти, Олтиариқ тумани «Полосон» МФЙ, Марғилон кўчасида жойлашган пахта қабул қилиш пунктида ёнғин содир бўлди.
ФВВ хабарига кўра, воқеа жойига 9 та ёнғин-қутқарув экипажи соат 13:35 да етиб бориб, соат 14:00 да ёнғин қуршаб олинган ва соат 14:34 да батамом ўчирилган.
Ҳодиса оқибатида жабрланган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter