Чеченистонда Ҳабиб Нурмагомедовнинг қиёфадоши топилди (фото)
Чеченистон республикасида яшовчи Азиз Нуриев аралаш яккакурашлар (ММА) устаси Ҳабиб Нурмагомедовга жуда ўхшаши маълум бўлди. Ҳозир Азиз ўзининг қаҳрамони Ҳабиб билан учрашишни мақсад қилган, деб ёзади «Lenta.ru» нашри.
18 ёшли Азиз Нуриев ҳам Доғистоннинг айнан Ҳабиб Нурмагомедов туғилган туманида дунёга келган. Аввалига у аралаш яккакурашлар жангчисига ўхшашини ўзи ҳам билмаган. Соқолини олганидан ва «Instagram» ижтимоий тармоғига ўз суратларини қўйганидан сўнг кўпчилик унга Ҳабибга ўхшашини билдириб изоҳлар қолдира бошлаган. Шундан сўнг Азиз Нуриев эски суратларини олиб ташлаб, Ҳабиб Нурмугамедовга ўхшаш суратларинигина қолдиради ва ММА жангчиси билан учрашишни мақсад қилади.
Ҳозирги кунда Азизнинг «Instagram» саҳифасига 13 мингдан ортиқроқ фойдаланувчи обуна бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter