Жорий йилнинг 27 апрелидан 28 апрелга ўтар кечаси Бухоро, Навоий ва Самарқанд вилоятларида содир бўлган табиий офат аҳолининг бино-иншоотларига, қишлоқ хўжалиги экинларига ҳамда юридик ва жисмоний шахсларнинг бошқа мулкларига катта талофат етказилган эди. Ушбу зарар «Ўзагросуғурта» томонидан қоплаб берилиши хабар қилинди.

Хабарга кўра, «Ўзагросуғурта» АЖ Бошқаруви раҳбари бошчилигидаги ташкилотнинг Ишчи гуруҳи ўша куниёқ Бухоро вилоятига етиб борди ва ҳудуддаги мавжуд ҳолатни жойида ўрганишга киришди.

Кўрилган чоралар натижасида халқимизнинг мол-мулки, қишлоқ хўжалиги экинлари ва бино-иншоотларига етказилган зарарларни қоплаш мақсадида (27 апрель - 1 май ҳолатига) 2 млрд.сўмга яқин суғурта товони тўлаб берилмоқда ва айтиш мумкин бу жараён изчил давом эттирилади.

«Айрим ижтимоий тармоқларда Бухоро вилоятида бўлган табиий офатда суғурта компаниялари кўрилган талофатларда четда турибди, суғурта товонлари тўланмаётганлигига урғу бериб, маълумотга эга бўлмасдан бонг урибди, бу нотўғри», — дейилади «Ўзагросуғурта» томонидан берилган хабарда.