Айрим товарлар импортида 2024 йилгача божхона божининг ноль ставкаси қўлланилади – Фармон
Президентнинг жорий йил 23 мартдаги «Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида»ги фармони билан 2024 йил 1 январгача Ўзбекистонга олиб киришда божхона божининг ноль ставкаси қўлланиладиган товарлар рўйхати (36 та) тасдиқланди.
Шунингдек, айрим истеъмол товарларига нисбатан божхона божи ноль ставкада қўлланилиши узайтирилган.
Жумладан:
- йогурт; пахта, ивиган сут ёки қаймоқ, қатиқ;
- пишлоқ ва твороглар;
- янги ёки қуритилган хурмо (финик), анжир, ананас, авокадо, гуава, манго ва мангостин ёки гарсиния;
- янги олма, нок ва беҳи;
- буғдой ёки жавдардан ташқари ғалла донидан ун;
- какао таркибли шоколад ва бошқа тайёр озиқ-овқат маҳсулотлари.
Эслатиб ўтамиз, илгари мазкур муддат Президентнинг 2022 йил 31 майдаги фармонига асосан 2023 йилнинг 1 июлига қадар эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter